မြန်မာစာ လက်ကွက် (Keyboard Layout) အကြောင်း သိကောင်းစရာ
Touch Typing ဆိုတာ ကီးဘုတ်ပေါ်က ခလုတ်တွေကို မျက်စိနဲ့ လုံးဝကြည့်စရာမလိုဘဲ အာရုံခံစားမှု (Touch) နဲ့ ကြွက်သားမှတ်ဉာဏ်ကိုပဲ သုံးပြီး စာရိုက်တဲ့ နည်းစနစ်ကို ခေါ်တာ ဖြစ်ပါတယ်။ ရိုးရိုးလက်ချောင်း နှစ်ချောင်းတည်းနဲ့ လိုက်ထောက်ရိုက်တဲ့ စနစ် (Hunt and Peck) နဲ့ လုံးဝ ကွဲပြားပါတယ်။
Touch Typing ရဲ့ အကျိုးကျေးဇူးများ
အချိန်ကုန် သက်သာခြင်း (Super Speed): ရိုးရိုးလက်နှစ်ချောင်းတည်းနဲ့ ရိုက်ရင် အလွန်ဆုံး တစ်မိနစ်ကို စာလုံးရေ ၃၀ ပဲ ရိုက်နိုင်ပေမဲ့ Touch Typing ကို ကျွမ်းကျင်သူတွေကတော့ တစ်မိနစ်ကို စာလုံးရေ ၆၀ ကနေ ၁၀၀ ကျော်အထိ (၃ ဆမက) ပိုမို မြန်ဆန်စွာ ရိုက်နိုင်ကြပါတယ်။
ပြင်ပပင်ပန်းနွမ်းနယ်မှုကို လျှော့ချပေးခြင်း: ကီးဘုတ်တစ်ခါကြည့်၊ စခရင်တစ်ခါကြည့်နဲ့ ခေါင်းကို အထက်အောက် ခဏခဏ လှုပ်ရှားစရာမလိုတော့တဲ့အတွက် မျက်စိညောင်းတာ၊ ဇာတ်ညောင်းတာနဲ့ လည်ပင်းနာတာတွေကို သိသိသာသာ သက်သာစေပါတယ်။
အမှားပြင်ရလွယ်ကူခြင်း: မျက်စိက စခရင်ပေါ်က စာသားတွေကိုပဲ အမြဲ စိုက်ကြည့်ထားတာကြောင့် စာလုံးတစ်လုံး မှားသွားတာနဲ့ ချက်ချင်းမျက်မြင်သိရပြီး အချိန်မဆိုင်းဘဲ တန်းပြင်နိုင်ပါတယ်။
Touch Typing ကျွမ်းကျင်ဖို့အတွက် ကီးဘုတ်ရဲ့ လမ်းညွှန်ချက်ဖြစ်တဲ့ F နဲ့ J ပေါ်က အဖုလေးနှစ်ခုကို အခြေခံပြီး လက်ချောင်း ၁၀ ချောင်းလုံးကို စနစ်တကျ ခွဲဝေအသုံးပြုရမှာ ဖြစ်ပါတယ်။ အစပိုင်းမှာ ခက်ခဲပေမဲ့ ရေရှည်အတွက် တကယ့်ကို တန်ဖိုးရှိတဲ့ အသက်မွေးဝမ်းကျောင်း Skill တစ်ခု ဖြစ်ပါတယ်။